الف هلا بكل زائر وبكل عضو تنورونه
 
دخولالبوابةس .و .جالتسجيلالرئيسية
بحـث
 
 

نتائج البحث
 
Rechercher بحث متقدم
المواضيع الأخيرة
» سجل حضورك بالصلااه على محمد
الجمعة يناير 09, 2009 12:38 pm من طرف رماد الشوق

» كلما لامس خدي شيء , أدير رأسي وأفتح فمي فلماذا..؟؟
الخميس ديسمبر 04, 2008 12:44 am من طرف وردة أذبلتها سياط الزمن

» كيـــف ابـــدو فــــي ناظـــريـــك
الخميس ديسمبر 04, 2008 12:25 am من طرف وردة أذبلتها سياط الزمن

» • بنات X بنات = أحلى بنات °•
الثلاثاء نوفمبر 25, 2008 2:07 pm من طرف رماد الشوق

» نظاارات رجالية روعة روعة روعة
الإثنين نوفمبر 24, 2008 2:12 pm من طرف رماد الشوق

» قصة فهد وساره
السبت نوفمبر 22, 2008 1:40 pm من طرف رماد الشوق

» صلبان المسيح...و ماورائها
الجمعة نوفمبر 21, 2008 7:36 pm من طرف فراس الشوق

» قهر
الأربعاء نوفمبر 19, 2008 12:56 pm من طرف رماد الشوق

» عشقته قبل ما اعرفه واشوفه ..!
الجمعة سبتمبر 12, 2008 11:49 pm من طرف معشوقتي الكويت

» احلى فيلم كرتون بالنسبه لك
الجمعة سبتمبر 05, 2008 8:25 pm من طرف قلب مفتون بأوصافك

تسجيل صفحاتك المفضلة في مواقع خارجية
قم بحفض و مشاطرة الرابط منتديات همس القوافي العراق ودول الخليج على موقع حفض الصفحات
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
الا

شاطر | 
 

 تكملة قصة (انا وصغيري)

اذهب الى الأسفل 
كاتب الموضوعرسالة
رماد الشوق
مساعد اول للمدير
مساعد اول للمدير
avatar

ذكر
عدد الرسائل : 132
العمر : 35
تاريخ التسجيل : 05/05/2008

مُساهمةموضوع: تكملة قصة (انا وصغيري)   الإثنين يونيو 30, 2008 1:43 am

مرحبا

السموحه على التاخير بس كان عندي ظروف

المهم اخليكم مع الجزء الخامس

................
بعد سنتين
ام احمد:ميروووووووووه.....ميروووه تعالي هني
ميره:ان شاء الله
ام احمد:مريوم اختج بتجي عندنا اليوم
ميره:آآآآآه...اووكي
ام احمد:شو بلاج تتنهدين ؟؟؟
ميره:لا ماشي...مستانسه
ام احمد:سيري وكلمي الشغاله خليها تسوي فطاير
ميره:بقول لها الحين


العصر
..................
مريم:السلام عليكم
ام احمد:وعليكم السلااااااام..شحالج؟؟؟
مريم:الحمد الله بخير...انتوا شحالكم؟؟؟؟
ام احمد:والله تمااام ....تولهنا عليج
مريم:زيين...لو كنت ادري كان ماجيت اليوم وجيت باجر عشان تتولهون علي عدل
ام احمد:لا والله؟؟
مريم:ههههههههههههههههههههههه
ام احمد:وينهم عيالج؟؟
مريم:ياين الحين..بس انتبهوا لراشد ترى حمودفيه الجدري
ام احمد:هيييييه ....الله يعينج
مريم:اخاف يعديه واحمد يحشرني
ام احمد:احمد بيحشرج بيحشرج.....بس اذا يارشود الجدريبيكون افتك منه وخلاص
مريم:هيه والله
ام احمد:يالا ماعليه المهم انتي شحالج؟؟؟
مريم:بخير والله .....ها شو صار في هذاك الموضوع؟؟؟؟
ام احمد:اي موضوع؟؟
مريم:يمه....موضوع احمد....انا كلمت البنيه وهي ماعندها مانع تاخذ واحد عنده ولد
ام احمد:لاااا الله يخليج...آخر مره فتحت وياه الموضوع حشرني وتم يقول انتوا ما تحسون ماتفكرون ومن هذا الكلام
مريم:يالله عليه...اونه وفي
ام احمد:شسوي فيه الحين؟؟؟
مريم:خليه برايه اهو الخسران
ام احمد: يالله ماعليه
مريم:وين راشد؟؟؟
ام احمد:فوق عند مهره
مريم:مهره هني؟؟؟
ام احمد:هيه...عندها اجازه لان بعد اسبوعين تبدا امتحاناتها
مريم:خلهم يجيبوا راشد
ام احمد:ولا يهمج
وزقرت ام احمد مهره وجابوا راشد
مريم : هلا هلا برشودي....يمه
ام احمد:خير
مريم:راشد كل مايكبر يستوي شرات امه
ام احمد:شفتي عاد...بغيناه شرات ابوه بس يطلع شرات امه
مهره:وشو بلاها امه؟؟؟شو الي كان ينقصها؟؟الله يرحمها ماقصرت
مريم:وي نسيت محامي الدفاع هني
مهره:هيه محامي دفاع عندج مانع؟
مريم:لا ماعندي
مهره:يبي الولد ..يبيه.. بخليه عندي احسن له بوااايد
مريم:خذيه
ام احمد:شو بلاكم انتوا؟؟؟
مهره:رمسي بنتج انا بطلع فوق
مريم:سيري وادرسي لج شي افيد لج
سارت مهره حجرة ميره

مهره:اختج هذي
ميره:شو بلاها؟؟
مهره:طفرتني...كل ماتشوف رشود تقول:ويي يشبه امه
ميره:يااالله الحين عيالها الي يشبهونها....كل واحد طالع على ابوه يبط الجبد
مهره:ههههههههههههههههههههههه ايه والله
ميره:حليلها شيخه ....ماقصرت مع حد
مهره:هيه والله...انا الصراحه عايبني تصرف احمد
ميره:اي تصرف ؟؟؟
مهره:انه مايبي يعرس...صج انه بيتعب...بس انا اشوف هالشي احسن وشيخه تستاهل
ميره:هيه والله صح
مهره:انا مليت من هالكتب ..بسير العب رشود
ميره:بيي وياج
ونزلوا ثنتينهم ..شوي وجوا عيال مريم وتموا يلعبون كلهم مع بعض
مهره:وييي حمود وياه الجدري...اخاف يعدي راشد
ميره:هيه والله خلاص طلعيه فوق...حليله حمود...بروحه متعذب
مهره:هيه والله انتي تمي وياهم وانا بسير فوق بحاول ارقده
ميره: اوووووكي
وطلعت مهره ويلست مع راشد لين مارقد

وبعد يومين ...كان احمد راقد...شوي وياه راشدوهو يصيح وحط راسه على بطن ابوه وتم يصيح
احمد:رشودي حبيبي شو فيك؟؟
راشد يصيح ولا يرد على ابوه
قام احمد وشال ولده ولقاه مسخن
احمد:رشودي ..انت ارقد اهني انا الحين ببدل وبشيلك للمستشفى
بدل احمد ملابسه وشل ولده وسار المستشفى بسرعه
احمد:خييير ..شو فيه؟؟؟
الدكتور:لا تخاف مافيه شي
احمد:الولد مسخن
الدكتور:هيه لان فيه الجدري
احمد:جدري؟؟من وين ياه؟؟
الدكتور:يمكن من اي شخص في البيت او شي
احمد:ممم خير ان شاء الله
الدكتور: انا بكتب له دوا يستخدمه وبريحه ان شاء الله
احمد:ان شاء الله....مشكور
الدكتور: هذا واجبنا
اخذ احمد الدوا ورد البيت
مهره:خيير سلامات شو بلاه راشد
احمد:ماشي جدري
مهره:ويي..هذااكيد من محمد
احمد:وليش محمد ولد مريم فيه الجدري؟؟
مهره:هيه
احمد:واختج هذي جايبه ولدها اهني؟؟
مهره:شدراني عنها
احمد:ماعندها سالفه
مهره:اشيله عنك؟؟
احمد: لا انا بهتم فيه
مهره:خلاص اجل...تصبح على خير
احمد:وانتي من اهل الخير

ثاني يوم

احمد:مهره انا بسير اقدم على اجازه وبرد
مهره:حمود مايحتاج انا بتم وياه
احمد:لا عادي ...مابطول ان شاء الله
مهره:اووكي
طلع احمد وسار الدوام..وسار يقدم على اجازه
المدير:خير ان شاء الله
احمد:ولدي مريض
المدير:سلامات شو فيه
احمد: الجدري
المدير:لا والله؟؟
احمد: هيه ..ولد اختي فيه وعدى ولدي
المدير:الله يعينك ..بس احمد كثرت اجازاتك
احمد:شو نسوي
المدير :تزوجو وفكنا
احمد:...........1
المدير:خلاص ماعليه لا تزعل ..بعطيك اجازه لمدة اسبوع تكفي؟؟
احمد:هيه..مشكور
المدير:العفو
طلع احمد وهومتضايج ويقول:حتى هذا حشرني ..كاني يالس على قلبه

في البيت
احمد: مهروووه
مهره:انا هني تعال
احمد:خذيت اجازه مدة اسبوع
مهره:هييه زين...ان شاء الله يتحسن
احمد:ان شاء الله
مهره:انا عطيته الدوا وهو الحين راقد...سير انت ارقدوارتاح ويوم ينش يصير خير
احمد:ان شاء الله...وينه هو ؟؟؟
مهره:في حجرتك
احمد:خلاص اجل انا بسير ارقد لاني مارقدت طول الليل
مهره:اووكي اجل اذا بغيت شي انا في الصاله
احمد:اووووكي ...تعبتج وياي
مهره:افاا عليك انا اختك
احمد: الله يخليج لي
مهره: ويخليك لي ولراشد
طلع احمد حجرته...وتلحفعسب يرقد...وشوي وسمع صوت راشد وهو يصيح
حمد:رشودي انت رقدت الحين؟؟؟...تعال عندي
ورقده عداله

مر الاسبوع الاول واحد على هالحال...اما راشد تحسنت حالته وايد ...خلصت اجازة احمد ورد دوامه
سعيد:هلاااا..نور المكتب
احمد:بوجودي
سعيد:اعرف
احمد:انت وينك؟؟انا تميت اسبوع كامل في البيت وما شفتك
سعيد:انا ماياني جدري
احمد:لا والله؟؟لا تشوف راشد ..تعال شوفني حي ولا ميت
سعيد:لا انت حي...اكيد انت بالذات مابتموت
احمد:لا والله ؟؟وليش تقول جذيه؟؟؟
سعيد: ادري بك ماتموت..تموت الكل الا انت ماتموت
احمد:بس عاد
سعيد:ههههههههه اوكي خلاص...تعرف كل الي في الشركه يتسائلون
احمد:عن؟؟
سعيد:عنك
احمد:ليش؟؟
سعيد:يبون يعرفون ليش ماخذ اجازه
احمد:هيه وش قلت لهم؟؟
سعيد:ماشي قلت لهم طالع يتمشى
احمد:انت من صجك؟؟
سعيد:هههههههههههههههههههههههههه لا امزح وياك..قلتلهم ان ولدك مريض
احمد:هيه تحريت
سعيد:بس الموظفين لعبوا لعب في غيابك...الي يغيب والي يتاخر
احمد:هيه غاب القط العب يافار
سعيد:ههههههههههههههههههههههه هيه والله
احمد:قوم يلا بطلع الف على المكاتب
سعيد:اوووكي


مرت السنوات ...وصار عمر راشد 4 سنوات....وحطاه ابوه في الروضه وفي اول يوم دوام
راشد:بابا تعال وياي
احمد:ان شاء الله بابا
راشد:دش وياي الصف
احمد:لاتخاف بتم وياك
راشد:لاتتركني بروحي
احمد:حبيبي لازم اسير دوامي
راشد:بتسير وبتتركني بروحي؟؟
احمد:لازم تتعود على هالشي
راشد:ماااااااااااااابااااااااااااااا.....مابدش داخل...بتتركني بروحي
وجلس على الارض وتم يصيح
احمد:رشودي حبيبي ...لازم ادش..شوف كل اليهال داخل
راشد:انا ياهل ....ماااااابااااا
وكمل صياحه
احمد:حبيبي فضحتنا...كلهم شافونا يلا دش بسرعه
راشد:مابا
احمد:اذا مادشيت بخليك هني وبسير دوامي
راشد:هيه....انت ماتحبني...بتخليني بروحي....
وتم يصيح
احمدشل ولده وقال له:رشودي انا مااحبك؟؟؟
راشد:هيه ماتحبني
احمد:صج
راشد:.............1
احمد:انزين انا مااحبك يعني مااشيلك(ونزله)راشد انا بسير دوامي صفك هناك
ومشى لين عند الباب
راشد:بابا انت زعلت
احمد: لا تكلمني
راشد: بابا انت تزعل بسرعه والله....يعني ليش انا امزح وياك...خلاص تعال ببوسك
احمد:لا تقرب مني
راشد:زين بس بيي عندك
وسار عند ابوه وحضنه
احمد:خلاص مانبي لحظات رومانسيه جدام الكل...يالله تعال بوديك صفك
راشد:بابا اقعد معاي شوي...شوي بس
احمد:شوي بس
راشد:زين
ودخل احمد صف راشدويلسه في مكانه وقال له:رشودي يوم يخلص الدوام بيي اخذك لا تسير مع اي احد ماتعرفه ابييك
راشد:ان شاء الله
طلع احمد سيارته وقال:مااعرف شو بسوي اليوم

في الروضه
كان راشد يصيح
راشد: باااااااباااااا........اباه الحين
المدرسه:راشد حبيبي
راشد:لاا تقولي لي حبيبي ...ابا بابا
المدرسه: تعال بعطيك حلاوه
راشد:مابا
المدرسه:ليش؟؟كل الي في الصف يبون
راشد:انا ماابي كيفي ...ابا بابا
المدرسه :تعال نلعب
راشد:ماابا
حاولت مدرسته وياه لين ماهدى شوي وسكت

في الدوام
سعيد:هلا بو راشد
احمد:اهلين
سعيد:شو بلاك؟؟
احمد:لاماشي احاتي راشد
سعيد:هيه صح اليوم دوام
احمد:هيه
سعيد:الله يعين ...بسوي لهم مناحه
احمد:طبعا
سعيد:هو مايبعد عنك دقيقه ...تباه يداوم؟؟
احمد:اعرف...يالله خير ان شاء الله
سعيد:تبى قهوه
احمد:هيه...متى يخلص الدوام؟؟
سعيد:هههههههههههه تونا بعدها الساعه 8ونص
احمد:اعرف....بس راشدمابيطوف سالفه الروضه على خير ..ولدي واعرفه
سعيد:الله يستر يكفيه انه ولدك
احمد:شتقصد؟؟؟
سعيد:لا ماشي..بس دامه ولدك اكيد بيطلع شراتك
احمد:بس بس
سعيد:خلاص بسكت ..مابتطلع...تلف على المكاتب
احمد:مب الحين
سعيد: ليش هذا وقتك ؟؟
احمد:هيه كلهم يعرفون هالشي ..بغيره اليوم
سعيد : والله انك
احمد:شوووو؟؟
سعيد:لا ماشي..بس الله يعين الموظفين
احمد:هههههههههههههههههه..يستاهلون
سعيد:حمود بسئلك سؤال بس لا تزعل
احمد:خلاص اجل لا تسئل
سعيد:ليش؟؟
احمد:تعرف اني بزعل ..لا تسئل
سعيد:بس انا ابي اعرف شي واحد...بس لا تزعل
احمد:اووكي ...قول
سعيد:احمد انت ليش ماتبي تعرس...انت عمرك الحين 27..والي في عمرك عندهم ثلاثه او اربعه
احمد:سعيد...انت ليش ماعرست للحين
سعيد:ماابي...ليش قلبت السالفه
احمد:ماقلبتها ولا شي بس اوضح لك اني ماابي يعني انت ماعرست...اما انا عرست وعندي ولد..وراضي يهالشي
سعيد:اووكي خلاص...حمود
احمد:هلا
سعيد:زعلت من سؤالي؟؟؟
احمد:لا والله ماازعل منك
سعيد:الحمد الله

في مكتب الموظفات
هند:اف اف افففففففف
عاشه:شو بلاج
هند:وينه هذا
عاشه:منو؟
هند:مديرج...انا ابي اطلع الساعه10
عاشه:ليش؟؟شو عندج
هند:ابي اسير المول
عاشه:سيري العصر
هند:مااحب اسير العصر..ابي اسير الصبح
عاشه:كيفج والله...سيري متى ماتبين
هند:اهو دوامه ايي هالوقت ..شو عنده اليوم
عاشه:ماادري
هند:بترياه لين الساعه10اذا ماجا بسير
عاشه:تراه اذا مالقاج بتروحين فيها
هند:كيفه والله
عاشه:انا قلت لج
هند:اففففففففففففففف..بطلع اليوم
عاشه:انا حذرتج..لا تسيرين الحين سيري العصر احسن لج

انتهى الجزء الخامس

ايش تتوقعون انه بصير الى هند وايش بصير الى احمد وولده ؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حنين الشوق
المدير التنفيذي للمنتدى
المدير التنفيذي للمنتدى
avatar

ذكر
عدد الرسائل : 249
العمر : 28
الاوسمه :
تاريخ التسجيل : 05/05/2008

مُساهمةموضوع: رد: تكملة قصة (انا وصغيري)   الإثنين يونيو 30, 2008 11:39 am

مشكووووووووووووووووووووووووور بجد حلووو

يله ننتظر كماله القصه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hanen.wow3.info
رماد الشوق
مساعد اول للمدير
مساعد اول للمدير
avatar

ذكر
عدد الرسائل : 132
العمر : 35
تاريخ التسجيل : 05/05/2008

مُساهمةموضوع: رد: تكملة قصة (انا وصغيري)   الإثنين يونيو 30, 2008 3:14 pm

تسلم اخوووي

ان شاء الله بكملها
بس ابي تفاعل في الردود لان الاجزاء الجايه فيها اكشن زياده
خخخخخخخخخخخخخخخخخخخخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تكملة قصة (انا وصغيري)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـــنـــتــديـــات حـــنــيــن الـــشـــوـوق :: منتديات متنوعة :: منتدى القصص الشيقه-
انتقل الى: