انا وصغيري

مرحبا
كيفكم اكيد بخير
جبت لكم قصه جديده ان شاء الله تعجبكم


شخصيات القصه
يوسف..ريال معروف بين الناس له مكانه عاليه وكل الناس يذكرونه بالخيرعندهولد واحد(احمد) وعنده ثلاث بنات(مريم)و(مهره) و(ميره) واسم حرمة يوسف(عاشه))
مريم...اكبر بناته عمرها 26سنه متزوجه وعندها ولدين الاول خالد وعمره 4 سنوات والثاني اسمه محمد وعمره سنتين واسم ريلها (عبد الله
احمد...ولدهم الثاني عمره23سنه متزوج وينتظر مولود جديد وحرمته اسمها..شيخه
مهره...اصغر من احمد باربع سبوات عمرها 19 سنه وتدرس في كلية الطب
ميره... اصغرهم عمرها 16سنه في صف اول ثانوي

احمد هو بطل قصتنا...عنده صديق واحد...يحبه ويعزه كثييير...يقول له كل اسراره ويثق فيه وايد اسمه(سعيد).. واثنينهم يشتغلون في نفس الشركه... بس سعيد مب معرس

الجزء الاول:
...........

احمد جالس في مكتبه ويشتغل وشوي يدخل عليه سعيد وقال:هلا حمود شحالك؟؟

احمد :الحمد الله ..انت شحالك؟؟
سعيد :بخيير ..شو بلاك؟؟
احمد:ماشي...طفرت من الشغل
سعيد: الله يعين
احمد:جميعا...شوي ويرن تلفون احمد
احمد:الووووو
عاشه(ام احمد).. السلام عليكم
احمد: وعليكم السلام.. شحالج يمه
ام احمد:بخير ...حمود تعال المستشفى بسرعه
احمد:خييير؟؟شو صاير؟؟
ام احمد:ماشي بس تعال بسرعه عشان حرمتك
احمد :والله؟؟الحين يايكم..(وقف ولف على سعيد وقال له) سعيييد.. حبيب قلبيانا بطلع الحين قدم لي على اجازه بسير المستشفى
سعيد: خير؟؟ شو السالفه؟؟
احمد: خير ان شاء الله...اليوم هو اليوم الموعود ان شاء الله
سعيد :لا والله؟؟مبروووك مقدما
احمد: الله يبارك فيك ...انا بسيرالحين لا تنسى قدم لي على اجازه
وطلع وساق السياره بجنون ووصل المستشفى ..دخل وتم يسئل ويدور وخيرا لقى مكان امه وحرمته...سئل امه:بشري؟؟؟
ام احمد: والله بعدهم
احمد : انا بسير اصلي شوي وبدعي لها
ام احمد:خلاص ياولدي انت سير وانا بيي وببشرك
بعد ساعتين طلعت الدكتورهوسالت عن احمد ريل شيخه...اتصلت امه عنده وزقرته
سار احمد للدكتوره وسئلها: خير ؟؟؟ شو السالفه؟؟
سكتت الدكتوره لحظه بعدين قالت:مبروك عليكم ....ولد
استانس احمد وايد وماعرف شو يقول وام احمد دمعت عيونها من الفرح وبعدين سئل احمد الدكتوره وقال :وحرمتي شحالها؟؟
سكتت الدكتوره وماقدرت ترد عليه ...سئلها مره ثانيه....وماردت عليه....وسئلها مره ثالثه ورابعه وماردت عليه... خاف احمد وانقبض قلبه وسئلها مره خامسه وقال:ردي علي حرمتي فيها شي؟؟؟
الدكتوره: عظم الله اجركم
احمد : شو ؟؟...شوتقولين؟؟..انتي تمزحين؟؟..تراني بسيروبشتكي عليج عند المدير... توج تباركين لي والحين تقولين لي عظم الله اجرك...فهميني شو السالفه
الكتوره :حرمتك ماتحملت وتوفت وماقدرنا نساعدها بس ساعدنا الولد
احمد: مااصدق..ابي اشوفها الحين
الدكتوره : ولدك
احمد : مااباه...ابي ادش اشوف حرمتي... الحين
دشت الدكتوره داخل وبعدين زقرته دش وشاف شيخه راقده ماتتحرك.... قرب منها وقال:شيخه يلا قومي راشد يترياج....راشدولدج... راشد الي كنتي تتريينه....
دشت ام احمد وقالت له:احمد لا تقول هالكلام ....الحرمه توفتاطلب لها الرحمه
احمد: لا مااصدق.... اليوم الصبح هي زهبت لي الريوق.....اليوم كنت اسولف معاها
ام احمد:احمد الموت حق...لا تقول هالكلام.... قول انا لله وانا اليه راجعون
احمد ودموعه في عينه:انا لله وانا اليه راجعون....وبدا يبكي
ام احمد:بتركك بروحك شوي... انا بسير اشوف الولد
سكت احمد وماردوتم يبكي ويذكر الله... وبعدين طلع من الحجره وسار الحضانه عسب يشوف ولده... لقى امه شايله راشد وتبكي...سار عند امه وتم يطالع ولده وبعدين حمله وتم يبكي ويقول :تركتنا امك ياراشد... تركتك عندي وسارت
بكت ام احمدوما قدرتتحمل منظر ولدها وطلعت من الحضانه واتصلت بابو احمدوقالت له شو صار وانتشر الخبر وكل العايله عرفوا بالسالفه...

العصر...في بيت ابو احمد....كانوا الكل متجمعين يعزون احمد...واحمد ساكت ومايرد كان جالس ويناظر الي في الي في المجلس...وشوي ودش سعيد صاحبه وسار عند احمد وقال له:عظم الله اجرك.. هالله ..هالله براشد الحين
سكت احمدوماردعليه وتم جالس ومايتكلم مع احد..عقب ماكل الناس ساروا طلع احمد الطابق الثاني وسار حجرته وشاف راشد راقد...حمله وحضنه وتم يبكي ورقد وهو على هالحاله
الساعه 4 ونص قام احمد على صلاة الفجر... وتلفت وتم يدور على ولده ومالقاه في الحجره طلع من حجرته بسرعه وتم يزقر الكل ويسئلهم وين راشد...وين ولدي؟؟؟مين شلاه عني؟؟
طلعت ام احمدوقالت:حمود شبلاك؟؟؟راشد راقد عندي...تم يبكي وانت راقد وماحسيت له وانا ييت وحملته ورقدته عندي
سكت احمدوقال:انزين اصلي وعقب الصلاه برقده عندي
دش احمد حجرته وبدل ملابسه وسار المسجد وصلى الفجر وتم جالس يقرى قرآن وبعدين رد وشل ولده ورقده عنده
اتصل سعيدعند احمدالساعه7 الصبح
سعيد:السلام عليكم
احمد:وعليكم السلام
سعيد: شحالك اليوم
احمد:الحمد الله على كل حال..انت شحالك
سعيد: بخير...يسرك الحال
احمد: ان شاء الله دوم
سعيد:احمد انا قدمت لك على اجازه لمدة يومين ارتاح فيهم شوي
احمد: مشكوووور وماقصرت
سعيد: العفوو...ماسويت شي...اشوفك على خير انت ارقد الحين وارتاح
احمد:ان شاء الله
سعيد:مع السلامه
احمد : الله يحفظك...مع السلامه
تمدد احمد على الشبريه وحط لده عداله وتم يفكر كيف بربي ولده بروحه ...كيف بيهتم فيه..يبي يربيه احسن تربيه... حس بالمسؤليه الي لازم يتحملها بنفسه وقال في نفسه: الله يرحمج ياشيخه... وتم ساكت ويفكر بهدوء وقطع الهدوءصياح راشد
حاول احمدانه يسكته بس ماقدر... حمله وطلع من حجرته وقال : بسير حجرة امي وبشوفها بس اخاف انها راقده الحين...بسير عند مهره احسن
سار صوب حجرة اخته ولقى الباب مفتوح شافته مهره وقالت له :شو بلاه راشد؟؟؟
احمد : مااعرف يبكي
مهره: حليله يوعان...عطني بحمله(وحملته من عند احمد) وقالت:احمد سير الصيدليه الحين واطلب منهم حليب للمواليد
احمد: ان شاء الله..وطلع من البيت وتم يدور صيدليه مفتوحه ... لين مالقى واشترى الحليب ورد البيت وعطاه اخته ورقدوا راشد
مهره:احمد انا اعرف انك مابتقصر ويا ولدك...بس اتمنى انك ماتنسى اني عمته وبساعدك دوووم
احمد : الله يخليج لي...وانا واثق من هالشي
مهره :انا برقده عندي وانت سير ارتاح
احمد : بس اخاف يلعوزج
مهره:لا تخاف انا مايني ارقاد الحين بتم معاه
احمد : اوكي..خلا بسير ارقد تصبحين على خير
مهره : وانت من اهل الخير
وسار احمد حجرته ورقد وماحس بشي
بعد اربعين يوم
كان احمد جالس في الصاله اهو ومهره وراشد كان راقد في حجرة يدته شوي ويرن تلفون احمد
احمد : الوووو
ابو شيخه: السلام عليكم
احمد : وعليكم السلام شحالك عمي؟؟
ابو شيخه:الحمد الله بخير ..انت شحالك؟؟
احمد:الحمد الله
بوشيخه:شحاله راشد؟؟
احمد:الحمد الله اليوم كم اربعين يوم
ابو شيخه:صج؟؟ بالبركه
احمد : الله يبارك فيك
بوشيخه:احمد انا ابي اكلمك في موضوع مهم
احمد :خير عمي
بو شيخه:مااقدر اقوله في التلفون تعال عندي وبتفاهم معاك
احمد : ان شاء الله عمي
بو شيخه:اشوفك اليوم في بيتنا عقب المغرب0.... مع السلامه
احمد:ان شاء الله ... مع السلامه
مهره:خير ....منو متصل؟؟؟؟
احمد : عمي بو شيخه
مهره:شو يبي؟
احمد:ماادري يبيني في موضوع مهم بسير اليوم بيته عقب المغرب وبعرف كل شي
مهره:ان شاء الله خير
احمد:ان شاء الله ...بس حاس ان شي مب زين بيستوي
مهره : ليش تقول جذيه؟
احمد :ماادري انقبض قلبي
مهره :خير....خير ...لا تفكر وايد
احمد:ان شاء الله....انا بسير الحين توصين على شي ايبه وانا ياي؟؟
مهره :هيه ... خلص حليب راشد
احمد:ان شاء الله بييبه وانا ياي
طلع احمد من البيت واتصل عند سعيد
احمد :السلام عليكم
سعيد:هلاااااااااااااااااا....وعليكم السلام...شحالك وشخبارك؟؟؟
احمد:بخير الحمد الله .....انت شحالك؟؟؟
سعيد:انا بخير دامك بخير اشتقت لك وايد....من زمان مااتصلت عندي
احمد :السموحه والله بس انت ادرى بالحال
سعيد ك معذور ياشيخ....الهم انت شخبارك وشخبار رشود؟؟؟
احمد :الحمد الله بخير
سعيد : الحمد الله
احمد: سعيد انا بمرك الحين.... اباك في موضوع
سعيد:خير
احمد:بتعرف يالله اطلع انا عند الباب
سعيد:اوكي ...طلع سعيدوركب مع احمد
سعيد : خير شو السالفه
احمد:مااعرف...بس اليوم عمي ابو شيخه....اتصل عندي...وانت تعرفه مارمس معي عقب العزا
سعيد : هيه والله شي غريب
احمد :قلبي مقبوض ...مااعرف شو يبي
سعيد : لا تفكر وايد بتعرف كل شي في وقته
احمد:وانت الصاج....صح انا بسير اشتري حليب
سعيد : والمعنى؟؟؟ارد بيتنا؟؟
احمد:ماقلت جيه...بس اذا تبي تعالواي واذا ماتبي بكيفك
سعيد:لا بيي وياك
احمد: اوووكي حياك

انتهى الجزء

تهقون ايش يبي بو شيخه من احمد؟؟؟؟
ترى اذا شفت ردود بكتب الجزء الثاني اذا ماشفت مابكمل

القصه حلوووه بس يا اخي نبي الجزء الثاااني بسرعه

نبي نعرف وش يبي ابووو شيخه من احمد انقبض قلبي معااا


خخخخخخخ

مشكوووووووووووور

ربيع القلب كتب:

القصه حلوووه بس يا اخي نبي الجزء الثاااني بسرعه

نبي نعرف وش يبي ابووو شيخه من احمد انقبض قلبي معااا


خخخخخخخ

مشكوووووووووووور

هههههههههههههههههههه
يسلمووووو اخوي على المرور

للامانه: القصه منقوله بس مااقدر انسخها لان انا ازيد فيها اشياء

الجزء الثاني
...........
ساروا احمد وسعيدمع بعض وكانوا ساكتين احمد كان يفكر في سالفة عمه(بوشيخه)وسعيديفكر بنفس الشي
سعيد:احمد؟؟
احمد:هلا
سعيد:شو تتوقع انه يبي؟؟...يعني مجرد توقع
احمد: ماادري...يعني بعد وفاة بنته مااتصل ولا شيوماشاف حفيدوالحينيباني في موضوع مهم؟؟
سعيد: انا احس..مجرد احساس
احمد:شو؟؟
سعيد:ماادري يمكن
احمد:قوووول
سعيد:انه يباك في شي يخص راشد
احمد:شووو؟؟ راشد؟؟؟ شو بلاه؟؟
سعيد:ماشي...بس يمكن يباك في شي يخصه
احمد:ماادري...الله اعلم
سعيد :خير ان شاء الله

اذن المغرب وسار احمدوصلىوعقب الصلاه سار بيت عمه...وهناك
احمد: السلام عليكم
حمد...بوشيخه:وعليكم السلام...شحالك احمد؟؟
احمد:الحمد الله...شحالك عمي؟؟
حمد:الحمد الله...شحال راشد...حفيدي
حس احمد بشي غريب وبعدين رد وقال:الحمد الله بخير
حمد:احمد انا بدش في الموضوع على طول
احمد:خير؟؟؟
حمد:راشد لازم يعيش معانا
احمد:نعم؟؟ ليش؟؟؟انا ابوه...وبعدني عايش ماصار لي شي
حمد:انت باجراو الي عقبه بتعرس وبتترك الولد....حنا هني وبنعتني فيه
احمد:باجر اذا عرست بجيبه عندكم
حمد:لا والله..تبانا نتريا لين ماتعرس واتيبا عندنا؟؟؟
احمد:يعني تبوني ايبه لكم الحين؟؟لا اسمحوا لي الولد ولدي وماحد بياخذه مني
حمد : اهو ولد بنتي
احمد:انا ابوه...وبعدني عايش مامت
حمد:احمد حنا مانبي نوصل السالفه للمحكمه
احمد:وليش توصل للمحكمه؟؟ ولدي وبربيه مافيها شي
حمد : فيها وايد...انت مابتهتم فيه
احمد: اذا انا ماقدرت اربيه يدته موجودهوعماته بعد...هو ماعنده خالات ويدته الثانيه تعبانه كيف بتهتمون فيه؟؟؟؟
حمد: مايخصك حنا نبي ولدنا
احمد:لا تحلمون بهشي ...ولدي ومابتخلى عنه
وطلع احمد من البيت وهو معصب


في بيت ابو احمد
كلهم كانوا في الصاله ...بو احمد وام احمد ومهره وميره ...شوي ويدخل عليهم احمد وهو معصب وسار عندمهره وشل ولده وتم يحضنه كلهم استغربوا من تصرفه
ام احمد:ميره سيري حجرتج وتمي هناك ...مهره انتي بعد لحقيها
مهره:يمه انا اعرف السالفه ومايحتاي اني اسير حجرتي
بو احمد : احمد شو بلاك؟؟شو صار؟؟؟
احمد:عمي حمد ...بوشيخه...يقول بخذ راشد وبربيه
بو احمد:شووو؟؟؟ع كيفه؟؟؟؟
احمد: ماادري به يقول ماابي اوصل السالفه للمحكمه
بو احمد:ماعليك منه انت ابوه واحق منه
احمد:اعرف هشي...انا بسير حجرتي
وطلع احمد حجرته وكان شايل ولده معاه...دخل وقفل الباب وحط راشد على الشبريه وتم يفكرفي الي صاروفي كلام عمه وقال:مابتخلى عن ولدي ابدا

اتصل بو احمد عند حمد
حمد:الووووو
يوسف..بواحمد:السلام عليكم حمد
حمد:وعليكم السلام ...هلا هلا
يوسف:شحالك؟؟
حمد :الحمد الله بخير .....انت شحالك؟؟
يوسف:بخيييير
حمد: خير يبو احمد؟؟
يوسف:شو هالكلام الي سمعته من ولدي؟؟تبا تاخذ الولد؟؟؟الولد لازم يعيش عند ابوه
حمد: وابوه مايعرف يربيه
يوسف:شدراك؟؟؟
حمد:اعرف...الاب مايقدر يمنح عياله حنان الام
يوسف:وانت بتقدر تمنحه هالحنان؟؟
حمد :طبعا
يوسف:بس انت بعد اب...مب ام
حمد:.......
يوسف: شو بلاك سكت
حمد:لا ماشي
يوسف:حمد اسمعني...حالة ولدي احد ماتستحمل انه يتعرض لها الموقف
حمد: انا اعرف هالشي عشان كذا قلت له ايب راشد عندي انا بربيه وهو اذا يبي يعرس بكيفه
يوسف:راشد بتم عند ابوه...لا تحرم حفيدك من حنان ابوه مثل ماانحرم من حنان امه
حمد:.........
يوسف:لا تقول شي..بس انت فكرفي راشد اذا انت تحبه صج
حمد:يوسف..انابسكت هالمره بس اذا شفت احمدانه مو كفو يربي راشد انا بخذ راشد وبربيه
يوسف: يصير خير
حمد: لا هذا الي بيستوي....واذا ولدك فكر يعرس مره ثانيه راشد بيعيش عندي
يوسف:يصير خير لين ذاك الوقت
حمد: بتشوف...يالله مع السلامه
يوسف:مع السلامه
سار بو احمد حجرة ولده ...دق الباب ودخلوقال لولده كل شي وطمنه...ارتاح احمد وتطمن وحب راس ابوه

مرة الايام ولا سابيع ...وصار عمر راشد ثلاثة اشهر
احمد: يمه...يمه
مهره:احمد شو بلاك؟؟؟
احمد: وينها امي؟؟؟
مهره : محد طلعت سارت بيت يارتنا
احمد:لا تقولين
مهره:ليش شو صار؟؟
احمد : كارثه
مهره:خير؟؟؟ احمد شو صاير
احمد: راشد مخيس الدنيا
مهره : انزين نظفه انت ابوه
احمد:هاهاها انتي عمته
مهره:لا في هالسوالف انا مب عمة احد
احمد: يلا عاد مااعرف
مهره:تعلم ...ابوه على الفاضي
احمد:لا مب على الفاضي .....بسمب فالح بهالسوالف
مهره:لازم تتعود
احمد:انزين تعالي معاي شوفي حالته يمكن تقدرين عليه
مهره:آآآآه..يالله تعال
وساروااثنينهم وشافوا حالة راشدفي حاله لا يرثى لها..وهوماعليه من احد يضحك ولا على باله
مهره : احمد شو صار؟؟
احمد:ماشي...كان يوعان سويت له حليب ماصكيت غطا المرضعه عدل وانكب كل الحليب عليه
مهره : امحق اب
احمد:تراه مخيش الحفاظه...سبحيه غيري له مره وحده زين؟؟انا بطلع زين سعيد يترياني...يبيني في موضوع ضروري
مهره: في عينك....والله مااسوي شي...اقعدهني ونظف ولدك بروحك انا مشغوله
احمد: اختي الغاليه
مهره:هيه غاليه ..وقت المصلحه اختك الغاليه
احمد: يلا عاد ماكسرت خاطرج؟؟
مهره:لا
احمد:افففففففف..امري لالله بحاول اسبحه...صكي الباب
مهره :ههههههههههههههه...ان شاء الله
نزل احمد ملابس ولده...وراشد يضحك ومستانس...احمد شوي وبموت...مهره تضحك على المنظر..واحد يسبح ولده لفاه بالفوطه وطلع
مهره : اشيله عنك
احمد:لاشكرآ
مهره:اووكي كيفك بس انتبه تراه بيبرد
احمد:لا مابيبرد
مهره : حذرتك
احمد:بس عاد خليني اشتغل .........لااااااااااااااااااااااا
مهره : شووو
احمد : وقت ترجيعك الحين
مهره :هههههههههههههههههههه قلت لك
احمد:بس ماابي اسمع صوتج...رشودي حبيبي توني مسبحك حرام عليك لا تسوي كذا في ابوك...شو هاا؟؟احس بشي حار
مهره : ههههههههههههههههههههههههههههههههههههههههه حذرتك
احمد(خلاص بروح فيها):لاااا حرام عليك رشودي ...حرام الي تسويه في ابوك
وراشد يضحك ولا على باله...شلاه احمدوسبحه مره ثانيه ولبسه ...ودخل تسبح وطلع
مهره :حلييييلك ياحمود .استويت اب مثالي
احمد : كله منج
مهره:انا شو سويت؟؟؟
احمد:لو انتي سبحتيه من البدايه
مهره : ماعليه لازم تتعلم..مب انت ابوه
احمد: هيه ابوه...بس خلاص انتي انتبهي له انا بطلع سعيد حشرني
مهره:هههههههههه ان شاء الله
وطلع احمد ولقى سعيد يترياه
سعيد:وينك ؟؟ من متى اترياك
احمد:انا؟؟لا ماشي
سعيد:امبلا فيك شي
احمد :لا ماشي ... بس كنت مع رشود
سعيد:هييه..خير شو بلاه؟؟
احمد:سعييد مستوي ملقوف اليوم...شو بلاك
سعيد:لا ماشي ....انت توك متسبح؟؟
احمد: هيه
سعيد: زين بقفل المكيف شوي عسب ماتبرد
احمد: كيفك
سعيد:مابتقول لي شو صار؟؟؟
احمد:سعييييد
سعيد:خلاص خلاص لا تعصب...ماابي اعرف شي
احمد:افففففففففففف ...انزين بقول لك...وفال له السالفه كامله
سعيد: ههههههههههههههههههههههههههههههههههههههههههههههه حلييييييلك ياحمود
احمد :لا تقول حليييلك
سعيد:هههههه ان شاء الله ...لا بس صج صرت اب مثالي
احمد:تتطنز
سعيد:لا حشى علي ...بس استويت خبيير تعرف تربي يهال
احمد: لازم ولدي
سعيد : ياعيني على الابوه
احمد:ههههههههههههههههههههه
سعيد : اخيرآ ضحكت...ياخ اشتقنا لها ضحكه ولها السوالف
احمد: تسلم
سعيد:الله يسلمك..احمد حاول انك تنسى حزنك راشد محتاج لك
احمد: انا احاول وان شاء الله اتغلب على كل شي
سعيد:ان شاء الله



انتهى الجزء الثاني
ان شاء الله بكرى بكمل

مشكووووووووووووووووووور بس تره ما قريتهة بس نسخته على ورقه بكرا في المدرسه بقراااهة (عندي حصه فرااغ)

بس مبينه حلوووه لانهة طويله انشااء الله ما يصير الا الخير لاحمد

سلاااامي لك

(لوو مو حااط الجزء الثااني اليووم كاان خليتني اطلع رقمك من تحت الارض وادق عليك تحط الجزء الثاااني)

ربيع القلب كتب:

مشكووووووووووووووووووور بس تره ما قريتهة بس نسخته على ورقه بكرا في المدرسه بقراااهة (عندي حصه فرااغ)

بس مبينه حلوووه لانهة طويله انشااء الله ما يصير الا الخير لاحمد

سلاااامي لك

(لوو مو حااط الجزء الثااني اليووم كاان خليتني اطلع رقمك من تحت الارض وادق عليك تحط الجزء الثاااني)

هههههههههههههههههههههههههههههههههههه
يسلمووووو اخوي
ان شاء الله تعجبك

الجزء الثالث
.................
يوم الخميس...كانوا مهره وميره في الصاله الا احمد.....ماكان موجود وراشد حاطينه على الكرسي
ميره:هاهاها...اخيرا انا وانت مع بعض...وابوك مب موجود
مهره:ميرووووه شو بتسوين في الياهل؟؟؟
ميره:الحين بتشوفين......تعال انت هني....انا من متى وخاطري اعضك واعصر خدودك بس ابوك مايخليني اوبنه خايف عليك مني
مهره:ميروووه تراني بقول لاحمد شوو بتسوين في ولده
ميره:لاااالا تقولين لا اذا قلتي له اخاف يذبحني
مهره:انزين اتركي الولد
ميره:مابا...ماسويت فيه شي من يوم مانولد
مهره:لا والله؟؟؟؟
ميره:اتريي دقيقه بس...ومسكت راشدوانها تحضنه وعصرت الولدوتم يبكي
مهره:مااااالت عليج جيبي الولد
ميره:اونه صاح...ماسويت فيك شي حضنتك بس
مهره:مايحبج قومي عنه
ميره:بنشوف ...انتي بكرى بتسيرين الجامه بنشوف منو بهتم فيه
مهره : الله يخلي امي
ميره:بنشووووف...انا بطلع حجرتي...وبرتب كتبي شوي..._وهي طالعه لعبت بشعر راشد وسحبته شوي
مهره : ميروووه يالخايسه... صيحتي الولد
شوي ودخل احمد وقال : شو بلاه اولدي؟؟ليييش يصيح؟؟
ميره:انا بسير حجرتي
احمد:تعااااااااااالي شو سويتي فيه
ميره:ماشي...ولدك دلوع...حضنته صاح...لعبت بشعره صاح
احمد:لا والله ؟؟انا اعرف دفاشتج
ميره:حراااام عليك..حليلي احب اليهال
احمد:وااضح سيري حجرتج احسن
ميره:مابسير ...بتم هني ...يبوني اتم بروحي..وهم يتسولفون
احمد: خلاص يلسي هني واذا طلعتي فوق بضربج
ميره:بتشوف بخبر ابوي
احمد: اففففففففففف..خلاااص..سوي الي تبينه
مهره:هههههه..شو سويت اليوم؟؟؟
احمد:ماشي كنت مع سعيد
ميره:تقصد عند حرمتك
احمد:بتسكتين ولا شووو؟؟؟
ميره:خلاااص خلااص بسكت
مهره:هييه..احسن لك عشان ماتتضايج او تمل
احمد:هيه صح..عطيني راشد ماشفته اليوم...وتم يلاعبه
شوي ويت ام احمد
ام احمد : حمود شحالك؟؟
احمد:تماام
ام احمد:حمود اباك في موضوع
ميره : يعني نسير حجرنا؟؟
ام احمد: هيه
مهره:طرده يعني
ام احمد: هيه..طرده بسرعه
مهره:احمد اشيل راشد معاي؟؟
احمد: لا ماعليه خليه عندي
ميره: مهروووه ...يلا خلنا نسير حجرنا...مايبونا نسمع السالفه
مهره : ماعليج ..ياخبر اليوم بفلوس بكرى ببلاش
احمد:ههههههه...سيروا يالله
ام احمد:تموا في حجركم لين ماازقركم
مهره+ميره:ان شاء الله..وساروا ثنتينهم حجرة مهره

ميره:مهروووه
مهره:خييير
ميره:شو السالفه
مهره:اي سالفه؟؟
ميره:الي امي تقولها لاحمد
مهره:مااعرف
ميره:انزين فكري معاي شوي
مهره:والله مااعرف بس امي في هاليومين كله تمدح في بنت خالتج مزنه
ميره:اععععععععععع..لوعتي جبدي ليش ذكرتي اسمها
مهره:ههههههههههههه مب انتي تبين تعرفين السالفه
ميره:انزين شو يخصها هي؟؟؟
مهره:ماتعرفين يمكن امج تبي تخطبها حق احمد
ميره:والله اذبح اخوي لو سواها
مهره:ههههههههه وانا بعد ..مابخليه يفكر في السالفه
ميره:تبط جبدي
مهره: وانا بعد...بس امج مستانسه عليها
ميره:هيه وااايد
مهره: تعرفين
ميره:لا مااعرف شو؟؟
مهره:امي كانت تبي تخطبها حق احمد اخوي من زمااان بس هو رفض...وتزوج شيخه
ميره:صج؟؟؟..والحين تبا تخطبها حق احمد مره ثانيه؟
مهره:الظاهر...بس مااعتقد انه بيوافق
ميره:ان شاء الله

في الصاله
...........
ام احمد: حمود شرايك في مزنه؟؟؟
احمد:من اي ناحيه؟؟
ام احمد:من كل النواحي
احمد : كيف يعني؟؟
ام احمد:اقصد رايك فيها كام لراشد
احمد: فاشله
ام احمد:ويي ليش؟؟؟
احمد:بس جيه
ام احمد:عطني سبب مقنع
احمد:يمه انا رفضتها من قبل.. رافضها الحين ما بوافق عليها ابد
ام احمد:عطني سبب مقنع...سبب واحد بس
احمد:يمه صدقيني ماتصلح ام لراشد
ام احمد:مااقصد انها تكون ام لراشد...انت ليش رافضها هي
احمد:يمه..انا مابقول شي..انتي شوفي كل شي بنفسج وقارني بينها وبين شيخه الله يرحمها..اقل شي يعني يوم تطلع..مظهرها مب مظهر وحده محترمه..وانا مستحيل اني اوافق عليها
ام احمد:افففففففف منك
احمد:يمه كلمي خالتي وفهميها اني مستحيييل مستحييل اوافق على بنتها
ام احمد:خلاص بس انت شرايك بالفكره
احمد : اي فكره
ام احمد:انك تتزوج مره ثانيه..حمود انت بعدك صغير عمرك23سنه...بعدك ماوصلت لــ30
احمد:يمه حراام عليج...شيخه توفت من قبل ثلاثة اشهر بس..انا بعدني اشوفهابعدني احس بوجودها ...يمه شيخه حرمتي ومااقدر انساها...ومااتخيل اني بتزوج غيرها
ام احمد:يعني بتم جيه؟؟منو بيعتني براشد؟؟
احمد:انا بربيه انا بعتني فيه..انا بسوي له كل شي...انا بحقق رغبة امه ويستوي دكتور...انا بتحمل كل شي عشان احقق هالشي
ام احمد:ماعليه...انا بخليك الحين وبعدين يصير خير
احمد:يمه...انا مابتزوج مره ثانيه
ام احمد:كيفك...بس بتريا اليوم الي انت تقولي فيه انك بتتزوج مره ثانيه
احمد:مااعرف شو اقول لج يمه
ام احمد:لا تقول شي
احمد:تصبحين على خير
ام احمد:شو بترقد الحين؟؟ماتعشيت؟؟
احمد:راسي يعورني وااااايد....انا تعشت عند سعيد
ام احمد:خلاص عيل..وانت من اهل الخير
طلع احمد حجرته وهو متضايج واااااااااايد...يقول في نفسه شو هالحاله...قبل لا يدش حجرته طلعت له مهره وقالت له:حمووودصح ماقلت لك
احمد :خييير
مهره:انا باجر بسير الجامعه
احمد: صج؟؟وبتردين؟؟
مهره:طبعا برد
احمد:اقصد بتردين في نفس اليوم؟؟
مهره:لا برد يوم الاربعاء
احمد:لا والله؟؟؟ومنو مبيهتم في راشديوم مااكون في البيت
مهره:ههههههه ميره
احمد:لاااا دخيلج الا هذي
طلعت ميره من الحجره وقالت:شو بلاها ميره الحلوه؟؟
احمد:انتي مصدقه عمرج وااايد
ميره:طبعا...شو بلاكم؟؟شو تقولون؟؟
مهره:ماشي..اقوله له اني بسير الجامعه باجر وانتي بتعتنين في راشد
ميره:انا؟؟؟صج؟؟
احمد:لا طبعا انا مو مستغني عن ولدي
ميره: ماعليه ماعليه ...بنجوف
احمد:هههه انزين سيري وارقدي الحين
ميره:مايني ارقاد
احمد:افهمي وفارجي ابي اقول شي حق اختج
ميره:افففففففف...انزين انزين
وسارت حجرتها وقفلت الباب
مهره: حرااام عليك زعلت
احمد:لا تخافين ماتزعل....تعالي بقول لج شي...ودشوا الحجره
مهره: بتقول لي شو قالت لك امي
احمد:شدراج؟؟
مهره:اعرف....خير قول
احمد:تباني اتزوج مزنه
مهره:توقعت ...انت شرايك؟؟
احمد:مستحيل اوافق
مهره:احسن لك...ههههه ميروه تقول بتذبحك اذا فكرت في السالفه
احمد:ميروه شدراها
مهره:ماشي كنا نفكر في السالفه وقالت هالكلام
احمد:هييه ..الحين انتي بتسيري باجر؟؟
مهره:هييه ..باجر
احمد:اهاا ..اوكي خلاص...منو بيوديج باجر؟؟
مهره: ابوي
احمد:هييه ماتبيني اوديج؟؟
مهره:عادي..بس اخاف انك مشغول
احمد:مب مشغول
مهره:حمود فيك شي؟؟
احمد:لا ماشي بس راسي يعورني
مهره:خلاص عيل الحين ارقد وارتاح...وان شاء الله يروح عنك الصداع
احمد:ان شاء الله
مهره:احط راشد في سريره؟؟
احمد:لا خليه عدالي
مهره:اوووكي...تصبح على خير
احمد: وانتي من اهل الخير
طلعت مهره من الحجره وسارت عند ميره
مهره: ميرووه زعلانه؟؟
ميره:لا
مهره:شو بلاج تقولينها بدون نفس؟؟
ميره:ماشي
مهره:يالله قولي لي شو بلاج؟؟
ميره:ماشي ماشي
مهره:هييه عرفت الحين شو بلاج
ميره:شوو
مهره:حزينه لاني باجر بسير..لا تخافين كل يوم بدق عليج
ميره:هههههههههههه.صج بشتاق..لج وايد
مهره: اعرف
ميره:صدقت عمرها ...مابشتاق لج بفتك منج
مهره:هههههههههه انزين خلاص....بس لا تزعلين من احمدتعرفين انه متغير من وفاة شيخه
ميره:لا مازعلت...انا اعرف هالشي
مهره:هيه صح...السالفه مثل ماتوقعنا
ميره:صج؟؟شو قال؟؟ مذبحه اذا وافق
مهره:لا تخافين رافض بالثلاث
ميره:اشووووه ريحتيني
مهره:هههههه خلاص عيل....انا بسير حجرتي
ميره:تصبحين على خير مقدما
مهره:وانتي من اهل الخير


ثاني يوم عقب الصلاه
احمد:مهروووه .....يلا ورانا درب
مهره:نازله...خلاص خلصت..شو بتشيل راشد وياك
احمد:هيه ...اباه يتمشى
مهره:لاحق
احمد:هههههههه اباه وياي مابتركه بروحه
مهره:اووكي براحتك
احمد:يالله خلنا نسير
مهره:لحظه بسلم على امي وابوي وميره
احمد:بسرعه لا تتاخرين انا اترياج في السياره
مهره:اووووووكي
سارت مهره وسلمت على اهلها وطلعت
في السياره
احمد:انا ماشي
مهره:ابلا..احيدك ماتحب توديني الجامعه
احمد:ههههههه خلاص تغيرنا
مهره:شو بلاك ؟؟ قول لي؟؟
احمد:لا ماشي بس طفرت من البيت ...احتمال اسير بيت ثاني بروحي
مهره:ينيت
احمد:لييش
مهره:وراشد؟؟يوم انت تسير الدوام منو بيجوفه؟؟
احمد:هذا هو..انا مااقدر اسوي شي
مهره:ماعليك ياريال ..انت متضايج من كلام امي...لا تخاف مابتفتح وياك هالسالفه
احمد:متاكده؟؟
مهره:هيه...مابتفتحها الى عقب 10سنين
احمد:يعني بتفتحها مره ثانيه
مهره: ماعليك هي بتمل من هالشي وبعدين مزنه بتنخطب جريب حق ولد عمها
احمد: مب شرط مزنه ...يمكن وحده ثانيه
مهره:حموود شو هالكلام؟؟تعرف تذكرني بعمري
احمد:ههههه ...ليش؟؟
مهره:تعرف اني ماابي اعرس واني اسوي هذي الحركات علشان مااعرس
احمد:هههههههه...شو اسوي...طفرت من هالسالفه
مهره:ماعليك...مابيستوي هالشي مادامك ماتباها
احمد:ان شاء الله ..يالله شدي حيلج يالدكتوره
مهره:ان شاااااااا الله ولا يهمك



انتهى الجزء الثالث

قصة حللوة انشاء الله مشكوووووووووووور

هههههههههههههههههههه الله يستر من ميره الحم لله ما عندي اخت



دير بااالك يا رمااد اذا عندك اخت تذبحك تره يخووفوووون




تقبل مرووري وكمل السااالفه بسرعه

عذاب الحب كتب:

قصة حللوة انشاء الله مشكوووووووووووور

يسلموووو اخوي على المرور

ربيع القلب كتب:

هههههههههههههههههههه الله يستر من ميره الحم لله ما عندي اخت



دير بااالك يا رمااد اذا عندك اخت تذبحك تره يخووفوووون




تقبل مرووري وكمل السااالفه بسرعه

هههههههههههههههههههههههههههههههه
بس موكل بنات نفس بعض
يسلموووووووووووووو اخوي على المرور

ربيع القلب
اوكي يصير خير
مابكمل القصه
خخخخخخخخخخخخخخخخ

همسات الرحيل كتب:

يسلموووًَ القصه ًَ روعهً ...

ننتظر التكمله

تقبل مروري

همسات الرحيل

يسلموووووووووو على المرور
ولا يهمك ان شاءالله بكملها

الجزء الرابع
.............
بعد شهرين
احمد:يمه ...مهره....ميرووووووووه....وينهم محد
في البيت
نزل احمدالصاله وشاف الشغاله وسئلها:وين امي وخواتي
الشغاله: ماما روهي(راحت)بيت ماما مريم
احمد:هييه....اووكي خلاص...حطي عربة راشد في سيارتي
الشغاله: انزين
احمد:رشودي ....حبيبي...بتطلع معاي اليوم وبنصيع عدل في المول
وطلع حجرته وبدل ملابس ولده وطلعوا من البيت
وفي الطريج اتصل احمد بيت اخته مريم
احمد:الووووو السلام عليكم
مريم :وعليكم السلام شحالك؟؟؟
احمد:تمام ....انتي شحالج
مريم:والله بخير .....الحمد الله
احمد :شو السالفه...ميمعه الكل عندج
مريم:ههههههههههههه...لا ماشي بس حمود تعبان شوي ويووو يشوفونه ويتطمنون عليه
احمد:هيه ...سلامات مايشوف شر
مريم:الشر ماييك...مر علينا
احمد:ان شاء الله...بخلص حواطه وبجيكم
مريم:لا والله؟؟؟
احمد:هههههههههه...انا خلاص وصلت المول
مربم:وراشد وينه؟؟
احمد:عندي
مريم:بتنزله وياك ؟؟؟وانت بتشيله؟؟؟
احمد:مابشيله في يدي...بحطه في العربه وخلاص
مريم :بعقلك انت
احمد:ليش شو فيها؟؟
مريم:لا ماشي...بس شوو بتسوون؟؟
احمد:ماشي بيلس في الكوفي شوب.....وبعدين بتحوط في المحلات وبشتري شي حق رشود
مريم:اب مثالي
احمد:ههههههه.لازم....اوكي مريووم انا بنزل الحين وانا راد بمر عليج
مريم: ان شاء الله
احمد:اشوفج على خير...مع السلامه
مريم:ان شاء الله....مع السلامه
نزل احمد وحط ولد في العربه وسار الكوفي شوب..وكلهم يطالعونه ومستغربين منه واحمد عادي عنده ولا كانه يشوف احد......جلس وتم يقرى جريده..وشوي يرن جواله
احمد:الووو
سعيد:هلااا بو الشباب ......شحالك شخبارك وينك؟
احمد:والله تمام...انا في المول انت شحالك؟؟
سعيد:يسرك الحال ..صج انت في المول انت بروحك؟؟
احمد:لا انا وراشد
سعيد:نعم..انت ومنو؟؟
احمد:انا وراشد ولدي
سعيد:بروحكم؟؟
احمد:هييه بروحنا شو بلاك؟؟
سعيد:لا ماشي ..بس كيف يبته؟؟اقصد راشد
احمد:بالسياره..كيف بييبه
سعيد:يعني انت شايله طول الوقت؟؟
احمد:لا شووو انا مينون ..حاطنه في العربه وادزه
سعيد:شرات الامهات
احمد:هيه
سعيد:عادي؟؟
احمد:سعيدشو بلاك؟؟هيه عادي ولدي واتمشى وياه
سعيد:يعني محد يطالعك؟؟؟
احمد:لا محد يطالعني
سعيد:هييه..اووكي خلاص كنت بيي المول بس غيرت راي
احمد:افاا ليش؟؟
سعيد:خلاص غيرت رايي
احمد:مابتيي لان راشد وياي؟؟
سعيد:لاااااا...شووو..هههههههه...ياريال..لا ماشي عندي شغل
احمد:اوكي خلاص اخليك اجل
سعيد:اشوفك يوم السبت في الدوام
احمد: ان شاء الله مع السلامه
سعيد:مع السلامه
احمد:شوبلاه؟؟ شي غريب

يوم السبت في المكتب من المكاتب
هند: لحقوااا
عاشه:شوبلاج؟؟
هند:يوم الخميس شفت شي
عاشه:شوشفتي؟؟
هند:شوبلاج ترمسين جيه بدون نفس؟؟
عاشه:ماشي...هالمدير طفرني ...ليش متاخره وليش تطلعين فبل نهاية الدوام حشرني
هند:اي مدير
عاشه:منو غيره؟؟احمديوسف
هند:هههههههههههههههههههههههههههه
عاشه: ليش تضحكين...انا قلت شي يضحك؟؟
هند:لا ماشي...بس هذايتحكم عليناهني.......وحرمته تتحكم عليه في بيته
عاشه:شوووتقولين؟؟شدراج انتي؟؟
هند:شفت هالشي بعيوني الثنتين
عاشه:والله؟؟
هند:هيه والله ..انا بقول لج ايش شفت
عاشه:قولي تراه باط جبدي والله
هند:هههههههههههههههه...يوم الخميس سرت المول
عاشه:هيه..وبعدين
هند:كنت ماشيه وشوي وشفت مديرنا احمد يوسف..في الكوفي شوب وياه ياهل
عاشه:والله؟؟؟
هند:هيه..كان يعتني فيه وجيه
عاشه:هيه وبعدين
هند:ويسوي له حليب ويشتري له
عاشه:والله؟؟؟اتخيل شكله..والله طافني المنظر
هند:قلت لج تعالي وياي بس انتي ماييتي
عاشه:بس خلاص لا تقهريني
هند:هههههههههههههه منظر عجيب...قلت في خاطري هذا حرمته تتحكم فيه عدل مخليته يسير ويشتري حق ولدوهي راقده في البيت
عاشه:هههههههههههههههههههههههههههههه
وشوي وشافوااحمد وهو يلف على المكاتب ويشوف الموظفين
هند:عاشه هذا هو وصل
عاشه:ههههههههههههه ...والله خاطري اقول له حرمتك تتحكم فيك وانت تتحكم فينا
هند:بس عاد بيسمعج الحين
عاشه:خلاص سار
شوي ودشت وحده من الموظفات اسمها ريم وقالت:سمعت كلامكم
هند:ههههههههههههههه صج؟؟
ريم:هيه
عاشه:شفتيه شو يسوي فينا
ريم:هيه بس حبيت اوضح لكم شي
هند وعاشه:قولي ...وضحي لنا
ريم:حرمة مديرنا....توفت من قبل خمسة اشهر
هند:والله
ريم:هيه
عاشه:وماعرس عقبها؟؟
ريم:لا
هند:وييي...طحنا في الريال ...حليله والله
ريم:خلاص كل وحده تكمل شغلها
عاشه:ان شاء الله
وطلعت ريم
عاشه:والله افتشلت يوم دريت
هند:هيه والله...انا ماكنت اعرف
عاشه:وانا بعد
هند:خلاص خلصي شغلج


مرة الاشهر ............وصار عمر راشد سنه
وفي يوم كان احمديقرى كتاب وراشد يلعب عداله ترك احمد الكتاب وتم يلعب ويا ولده ويتسولف وياه شوي سمع ولده يقول(بابا))...
سكت احمدوماصدق الي يسمعه وقال :رشودي قولها مره ثانيه
ضحك راشد وقال: بابا
ماعرف احمد شو يسوي....شل ولده وتم يحضنه ويبوسه......وطلع الصاله وقال:سمعتوه قال بابا.......انا سمعته قالي بابا ...كنت اسولف وياه قال لي بابا ...انا مب مصدق...اخيييرا قالها ...رشودي..انا ابوك ...قولها مره ثانيه..ابي اسمعها منك
سكت راشد وتم يطالع ابوه...احمد حضن ولده بقوه ...ودمعت عينه وسار حجرته وطلع صورة شيخه وقال:شيخه...ولدنا تكلم اليوم...قالي بابا..اذكر قبل يوم كنت اقول لج انه بزقرني قبل لا يزقرج ..بقول بابا قبل ماما ..واليوم تحقق هالشي..اليوم سمعته قال لي بابا ...فرحني وايد..بصراحه كل مايكبر يستوي شراتج..يشبهج وايد...يذكرني فيج..ولدنا كبر يالغاليه...
سكت احمد ولا كمل كلامه وحضن ولده والدموع في عينه وقال:كنت اتمنى لو ان امك ويانا الحين ...بس الله يرحمها ويغفر لها
رقد احمد وحلم بشيخه...شافها مستانسه وايد...وقالت له:احمدهاالله هالله برشودي...انا اعرف انك ماتقصر وياه بس اباك تعلمه يقول ماما ..مب بابا بس وضحكت
نش من ارقاده..وكبرت فرحته يوم شاف حرمته في حلمه ...كان يتمني هالشي دوووم ...وتحقق اخيرا


انتهى الجزء الرابع
ان شاء الله بكرى بكتب الجزء الخامس

اخوي ربيع القلب السموحه منك اذا زعلت
لعيونك كل يوم بكتب جزء

يسلمووووو على الجزء الرااابع حلووو وااايد اتمنه تحط الخااامس


ننتظر جديدك

السموحه مااقدر اكملها هذي الايام
ان شاء الله يوم السبت اقدر اكملها